Einsamflygar

Einsamflygar

Barn, ikkje le av den fuglen
som flaksar så hjelpelaust av stad.
Vinden har skilt han frå dei andre
som flyg over havet i ei jamn, tett rad.

 Vinden valde ut denne eine
og kasta han ut av den usynlege lei
som fuglar av hans slag plar følgje.
Han er ikkje lenger ein av dei.

Sin eigen veg må han finne,
eller – om han trøytnar om litt –
gi tapt, la seg falle, gå under,
slik går det desse einsame titt.

Det mørknar vidt over havet.
Ei frostnatt kvesser sine jarn.
Ein fugl flyr einsam under stjerner.
Ikkje gråt for den fuglen, barn.

Halldis Moren Vesaas

About en som tenkte sine egne tanker

Tenker tanker i tankerommet...

Posted on 4. februar 2019, in Tenk på det!. Bookmark the permalink. Kommentarer er skrudd av for Einsamflygar.

Kommentarer er stengt.